Me misionin dhe thirrjen e brendshme për të qenë zëri i problemeve të kësaj shoqërie Sevim Arbana është njeriu që asnjëherë nuk ka reshtur së punuari për këtë. “Jam shumë e ndjeshme ndaj fenomeneve sociale”-shprehet Arbana qysh në fillim të bisedës. Ndërsa kur kthehet pas në kohë sjell ndërmend gjithçka që e ka ndikuar nga fëmijëria,si burgosja e të atit që kur ajo ishte ende fëmijë. Këto kanë ndikuar tek ajo vazhdimësinë e emocioneve,ngjarjeve dhe përjetimeve të mëvonshme në jetë. “Nuk jam një grua e fortë,por jam e ndjeshme dhe e brishtë. Është përballja që i bën gratë të forta”- thotë ajo në rrëfimin e saj. Një adoleshencë e kaluar mes librave,një ndikim i rëndësishëm në jetën e saj dhe shumë shpejt erdhi njohja me bashkëshortin në moshën 19-vjecare. Më pas erdhi në jetë fëmija i parë,një djalë dhe më pas edhe dy të tjerë,një djalë dhe një vajzë. AktivizImi i saj në çështje të shoqërisë në problematika dhe zgjidhje është një moment që Arbana e shpjegon si një idealizëm dhe eufori i papërshkrueshëm,një ëndërr dhe rrugë që u bë realitet. “Gjatë punës sime si aktiviste jam kërcënuar por nuk jam ndalur”-përmend ajo gjatë bisedës vështirësitë e këtij misioni. Momentalisht ajo punon vullnetarisht në shërbim të gjithçkaje që në raport social është për të përmbushëse dhe e vyer. Ka një dashuri për kafshët,por veçanërisht për macet para të cilave thotë se dorëzohet dhe vazhdimisht kujdeset në çdo formë dhe mënyrë për to. “Ëndërr e kam të ndërtoj një qendër ditore për macet”-e përforcon ajo këtë dashuri dhe kujdes për kafshët.