Diplomati talian, Stefano Stefanini zhvilloi një vizitë në Tiranë, me synim nxitjen e pjesëmarrjes dhe marrjen e votës së Shqipërisë, që “Expo 2030” të zhvillohet në Romë. Duke folur për Report Tv me gazetarin Arbër Hitaj, ambasadori tha se nga “Roma Expo 2030”, Shqipëria do të përfitojë shumë, sidomos në aspektin ekonomik dhe në atë të turizmit. Temat e “Expo 2030” do të jetë mbrojtja e ambientit dhe ndryshimet klimatike, tema që sipas tij, janë në interes të gjithë rajonit të Mesdheut por edhe  vetë Shqipërisë, e cila do të ketë një pavijon të dedikuar duke qene një vitrinë e jashtëzakonshme për promovimin e vendit. Italia ka ndërmarrë një fushatë të gjerë duke dhënë arsyetime konkrete përsë Roma, është vendi I duhur për “Expo 2030”. Zoti Stefanini ka mbajtur edhe postin e ambasadorit Italian në NATO, por edhe këshilltar i presidentit Giorgio Napoletano.