TIRANE-Pas sekuestrimit ditën e djeshme të pronave të Hajrajve në Shijak, sot do të goditet pjesa tjetër e grupit në Shkodër, që rrëmbeu dhe vrau Jan Prengën. Bëhet fjalë për familjen Doçi. Gentian Doçi cilësohet si truri i pengmarrjes së Prengës, ndërsa është në kërkim dhe nga Italia për trafik kokaine.
Gentian Doçi së bashku me Hajrajt në Shijak organizuan dhe kryen rrëmbimin dhe më pas vrasjen e pengut, Jan Prenga pas konflikteve me vëllanë e tij të fundit në Angli. Ndërkohë që në shënjestër do të jenë edhe Bajrajt po në qytetin e Shkodrës.Lista e parë në duart e OFL-së përfshin 150 subjekte, nga 250 në total. Sot OFL-ja u nisi formularin për të justifikuar pasurinë Lulzim Berishës dhe Ardian Çapjas.