Përmes fragmenteve nga vepra e tij është përkujtuar mbrëmjen e së hënës në Qendrën për Hapje dhe Dialog (COD) pranë Kryeministrisë, figura e At Zef Pllumit, në mbrëmjen kushtuar 100-vjetorit të lindjes së tij, me titull “Po atëherë ku mbetej e vërteta?”. At Pllumi pati fatin t’u mbijetojë torturave dhe burgimeve dhe la pas vepra monumentale, të botuara nga shtëpia Provinca Françeskane e Shqipërisë dhe të cilat u komentuan nga të pranishmit.
