Avokati Spartak Ngjela ka komentuar në Report Tv çështjen Fredi Beleri dhe deklaratën e tij nga Athina se himarjotët i mbron ‘nëna Greqi’. Ngjela thotë se ai e ka treguar që është në shërbim të Greqisë.
Ndërkohë, avokati zbardh edhe një bisedë më Ramën dhe ‘porosinë’ e SHBA për Çamërinë.
"Atje është labëri, ç’merren me ta. Kot e kanë me gjithë Belerin. Ai deklaroi vetë që jam në shërbim të tyre. Dhe ata nuk janë treguar ndonjëherë racional me Shqipërinë se kanë Çamërinë. Kosova iu iku Serbëve. Dy ishin krahinat e mëdha që ‘çan’ Rilindasit tanë, Kosova dhe Çamëria. Kosovën e morën Shqiptarët.
Ka fol Rama dy herë për Çamërinë. Herën e parë erdhi më tha mua. Si t’ia bëj avokat tha se më kërkon Uashingtoni të flas për Çamërinë. Foli dy vite e gjysmë para dhe tani foli prap. Foli në Greqi prapë. Këto janë fakte që tregon se diçka po lëviz, siç lëvizi për Kosovën po lëviz edhe për Çamërinë por pyetja ime është kjo, a do ketë lëvizje të çamëve për pavarësinë, apo krijimin e republikës çamë qoftë edhe brenda Greqisë", tha Ngjela në Report Tv.
