Dikur, të kishe një apartament ishte një qëllim i arritshëm për çdo familje. Sot, është kthyer në një sfidë të madhe që zgjat për vite – madje për dekada. Në shumë qytete të Shqipërisë, veçanërisht në Tiranë, çmimet e apartamenteve janë rritur në mënyrë marramendëse. Po kush i blen? Sa prej tyre janë për banim dhe sa janë për investim? A po ndërtojmë më shumë për tregun sesa për njerëzit? Dhe mbi të gjitha: a ka më shpresë për të rinjtë që të kenë një çati mbi kokë pa rënë në kurthin e kredive afatgjata? Në këtë bisedë, flasim me eksperten e ekonomisë Blerina Gjyriqi dhe Fisnik Haçkaj, broker, për ndërtimet, për emigrantët që blejnë nga larg, për apartamentet që qëndrojnë bosh… dhe për ata që jetojnë ende me qira apo me prindërit, sepse nuk munden ndryshe.