Emisioni Repolitix trajtoi situatën epidemike përsa i përket koronavirusit në vend ku vatra të nxehta rezultojnë fasoneritë si dhe burgu 313 në Tiranë. Në pjesën e parë drejtoresha e ISHP-sw Albana Fico, foli për situatën epidemike ndërsa shtoi se ende nuk ka dakordësi për hapjen e shkollave, kopshteve dhe çerdheve . Në pjesën e dytë u trajtua rreziku i përhapjes së epidemisë në sektorin fason, ku në lidhje skype kryeinspektori i vendit Shkëlqim Hajdari foli për masat që kanë marrë inspektoriatet për të monitoruar këtë sektor. Puna në fasone duhet të vazhdojë por me masa të rrepta sigurie. Ndërsa në lidhje skype përfaqësuesi i Shoqatës së fasonistëve, “Proeksport Albania” u shpreh kundër opozitës për mbylljen e fasoneve në këtë situatë pandemie. Në pjesën e tretë u trajtua tema politika ku deputeti Murrizi shpjegoi projektligjin e propozuar për lustracionin që heq nga skena politike ish-anëtarët e partisë së Punës. Në një tjetër lidhje më skype përfaqësuesi I opozitës së bashkuar Nard Ndoka shpjegoi qëndrimin e koalicionit opozitar në raport me pandeminë. Në fund në një lidhje me skype ish ministrja e Kulturës Mirela Kumbaro foli për ditën e librit ndërsa dha mesazhin se të rinjve duhet tu transmetohet pasioni për të lexuar