Ish zëvendës presidenti i kompanisë Amerikane “AEY” David Packouz, në intervistën ekskluzive për Report TV tha se me Shqipërinë ai së bashku me ortakun Efraim Diveroli u lidhën nga miku i tyre Heinrich Thomet, që kishte miq në qeverinë shqiptare në atë kohë.
“Ne u përfshimë në Shqipëri nga një njohuri jonë Heinrich Thomet që kishte një lidhje me qeverinë shqiptare. Ai tha se ishte Henrik Tome (Heinrich Thomet), që bëri marrëveshjen me Ylli Pinarin dhe nuk na vuri në dijeni se origjina ishte kineze. Ne e zbuluam këtë fakt kur erdhëm vetë për inspektim në Tiranë, se ishin kineze”, tha ai.
