Edmond Stojku thirrje deputetëve: Të votojmë për shkarkimin e Metës, ka shkelur Kushtetutën!

9 Qershor 2021, 13:12 | Përditesimi: 9 Qershor 2021, 13:23

Edond Stojku, ish-anëtar i Komisionit Hetimor për shkarkimin e Metës, i bëri sot thirrje deputetëve në Kuvend që të votojnë raportin e hartuar prej tyre dhe kërkesën për shkarkimin e Ilir Metës nga posti i Presidentit.

Sipas tij, Meta  ka shkelur në mënyrë të përsëritur Kushtetutën me qëndrimin dhe deklaratat e tij gjatë fushatës zgjedhore, duke humbur funksionin ekuilibrues në jetën politike të vendit.

Po ashtu, Stojku tha se Meta është përpjekur të krijojë krizë dhe incidente diplomatike me SHBA dhe ka dëmtuar prestigjin e institucionit të Presidentit me jashtë.

b.ha./Shqiptarja.com