Fluks në Urgjencën Pediatrike në Lezhë, 50-60 fëmijë çdo ditë kërkojnë shërbim! Mjeku: Shkak virozat nga temperaturat e larta dhe fluksi i popullsisë gjatë verës

24 Gusht 2021, 12:13 | Përditesimi: 24 Gusht 2021, 12:13

Urgjenca pediatrike në Spitalin rajonal të Lezhës vijon të përballet me fluks fëmijësh, të cilët kërkojnë ndihmë mjekësore. 50 deri në 60 fëmijë paraqiten përgjatë 24 orëve në urgjence me viroza.

Mjeku pediatër në Spitalin e Lezhës, Bardhok Gjoka tha për Report Tv se ky fluks vizitash si pasojë e virozave vjen jo vetëm prej temperaturave të larta, por edhe fluksit të madh të popullsisë si pasojë e sezonit turistik, ku plazhet janë të mbushura plot. Ky fluks i lartë njerëzish rrit rrezikun e virozave, tha mjeku.

KT/Shqiptarja.com