Kryetari i Partisë së Lirisë, Ilir Meta, tha në lidhjen me Report Tv se opozita është në bashkëpunim e sipër dhe gati të rrëzojë Ramën sipas tij.

“Takohemi në mënyrë të vazhdueshme, jo vetëm me drejtues të opozitës. Me drejtues dhe përfaqësues të grupeve të interesit por edhe me qytetarë të Tiranës dhe të mbarë Shqipërisë. Pritet një uragan drejt kutive të votimit, për të shënuar ndryshimet që do t’i japin fund shpopullit dhe korrupsionit rilindës që e kanë bërë vendin tonë më të varfrin në rajon. Uragani do të vijë çdo ditë përmes protestave dhe pa asnjë diskutim përmes votimit. Detyrë e cco qytetari që të ndalojë shpopullimin dhe të realizojë ndryshimin më 14 maj por pse jo edhe më para nëse do të jetë nevoja. 

I pyetur për protestat, Meta tha se ato kanë qenë të vazhdueshme.

“Ju nuk keni qenë i vëmendshëm për protestat, që kanë qenë të vazhdueshme, konkrete por edhe faktike. Siç ka qenë ajo protestë e veçantë në skenën e krimit më makabër të korrupsionit siç ishte ajo në Sharrë. Pastaj edhe të gjitha protestat e tjera”, tha Meta në Report Tv.