Ish-kryetari i Gjykatës së Elbasanit, Arben Vrioni, njërën nga makinat tip “Mercedez Benz”, GLK 220 C, të cilën ia dogjën mbrëmjen e së premtes, e ka deklaruar me çmim sa gjysma e vlerës reale. Në deklaratën e pasurisë gjyqtari ka deklaruar se makinën vit prodhimi 2010, e ka blerë në vitin 2016 me vlerë 12 mijë USD. Por nga hetimi i Komisionit të Pavarur të Kualifikimit, organi bazë i Vettingut, i cili e ka shkarkuar gjyqtarin nga detyra, ka rezultuar se makina Arben Vrioni e ka përfituar makinën me një çmim rreth dy herë më të ulët, vetëm rreth pesë muaj pasi ishte blerë në shtetin gjerman, si dhe pasi ishin kryer të gjitha procedurat e zhdoganimit.