Në ditën e të zhdukurve qytetarët e Maliqit kujtuan viktimat e që dhanë jetën në "Kampin e vdekjes" në Vloçisht. Familjarë, banorë të zonës dhe përfaqësues të Partisë Demokratike bënë homazhe në kujtim të atyre që dhanë frymën e fundit në atë kamp famëkeq.
"Shumica e tyre nuk ja dolën dot, bëhet fjalë për një kamp shfarosës me pak ushqim, me dhunë të paparë të komandës së kampit dhe me tortura çnjerëzore. Kanë qenë të burgosur njerëz të shquar si Mitrush Kuteli, Arshi Pipa, Sulejman Vuçiterna", tha Nebil Çika, kryetar i Shoqatës të Ish-të Përndjekurve.















