‘Kjo është një mrekulli për Dibrën’, shoferët në Rrugën e Arbrit: Shkurton distancën me më shumë se 2 orë

29 Nëntor 2021, 12:40

Qytetarët e Dibrës janë të kënaqur me hapjen e Rrugës së Arbrit, pasi kjo do të shkurtojë me më shumë se 2 orë distancën ndërmjet kryeqytetit dhe Peshkopisë. Por shoferët janë gjendur të papërgatitur, pasi po lëvizin në një zonë ku kërkohet përdorimi i gomave të dimrit, sepse me rënien e temperaturave kanë filluar edhe reshjet e dëborës.

‘Tani kur janë ditë dimri kjo rrugë është e vështirë. Nuk mund të kalohet me goma normale, duhet të sinjalizohet nga policia. Ky është dimri i parë që po hapet. Kjo është rrugë e vështirë që të kalohet. Këto janë kthesat më të vështira. Duhet me pas kujdes. Kjo e shkurton shumë rrugën. Bëhet Bulqiza për një orë, shkurton rreth 2 orë e gjysëm rrugën. Kjo është një mrekulli për Dibrën!’- tha një qytetar.

‘Nga Peshkopia në Ali Dem një orë 50 minuta. Ishim të papërgatitur, se ishim me goma vere.’- u shpreh një qytetarë.