Në qarkun e Korçës, procesi i votimit për zgjedhjet parlamentare vijon normalisht edhe pse janë shoqëruar me disa incidente.

Luan Tollozhina, simpatizant i PD-së u arrestua pasi ka goditur komisionerin e Partisë Socialiste Enton Gega në qendrën e votimit në Pogradec.

Sipas policisë, ai ka hyrë në Qendrën e Votimit  Nr.3901 dhe ka goditur duke i shkaktuar dëmtime fizike, një komisioner të Partisë Socialiste.

Ngjarja ndodhi pasi kryetarja e komisionit të kësaj qendre votimi, e bija e Tollozhinës ka pasur një debat me komisionerin socialist nëse personat me aftësi ndryshe duhet të votojnë apo jo me shoqërues.