Kreu i Dhomës së Avokatisë së Korçës, Arben Lena është arrestuar ditën e sotme me urdhër të Prokurorisë së Posaçme. 

Report TV mëson se Masa e sigurisë është ekzekutuar në Korçë. Ai akuzohet për korrupsion me vlerë 5 mijë euro. Dosja po hetohet nga prokurori i SPAK Ervin Goga. 

Gazetarja e Report Tv, Keti Banushi mëson se bëhet fjalë për një çështje, ku avokati marrë përsipër ndikim të paligjshëm në radhët e gjyqësorit. Mbetet për tu parë nëse ka persona të tjerë për tu arrestuar.