Të gjithëve na jehon në vesh dhe madje e kemi kthyer në batutë frazën e famshme të filmit “Rrugë të bardha” Alo Dedë a më dëgjon? Mbase pak e dinë që kjo histori është e vërtetë,një fillërojtës në malet e fshatin Domgjon në Mirditë mbeti vërtet në shtyllë dhe nuk u kthye dot në shtëpi në mbrëmjën e 31 dhjetorit të viti 1966. Ai çast e rrëmbeu përgjithnjë asokohe 46-vjeçarin Pjetër Llesh Doda. I biri,Zefi erdhi në “Esence” për të na rrëfyer më shumë,për kujtimet e të atit dhe jetën pa të, më familjen me 5 fëmijë ku gjërat nuk qenë edhe aq të thjeshta. Filmi dedikuar figurës së të atit është një moment që familja e ruan si një prej gjërave të çmuara,madje na tregon se ka ruajtur miqësi ndër vite me aktorin Rikard Ljarja i cili ishte nën petkun e Dedës në film. Madje ai ka qenë krushk i parë në dasmën e vëllait të Zefit,një prej kujtimeve më të bukura që ata ruajnë si familje. Një gjest i rrallë dhe i paçmueshëm nga ana e aktorit. Një surprizë e veçantë për Zefin erdhi me anë të një video mesazhi nga piktori Mark Paci ,autori i një skice pikturë të Pjetër Dodës që u përdor si imazh i pullave postare në vend,pas vdekjes së tij.