I ftuar në "Esencë" Maestro Zhani Ciko. Një prej profesionistëve më fisnikë dhe elegant. Një karrierë e gjatë dhe dedikim ndaj muzikës,që gjenezën e ka në fëmijëri. Ai e konsideron këtë periudhë si një bosht të rëndësishëm të jetës së tij. Prindërit e kanë angazhuar artistikisht që në vogëli,ndërsa ai nisi të studionte violinë në moshën 5-vjeçare. "Jam treguar i guximshëm në punën time,e kam thënë fjalën time pa bërë kompromise"-tregon ai. Gjimnazi i Patosit mban emrin e Zhani Cikos,si një nderim për figurën e tij, për 3 vitet "riedukim" që kaloi në atë qytet për mendime antikonformiste. Shtypi i kohës,qëllimisht nuk shkroi asokohe asnjë artikull për punën e tij. Për sfidat dhe vështirësitë ndër vite ai shprehet:"Gjithë jetën time kam llogaritur dështimin". Ai ka mbështetur artistë, sot të rëndësishëm në muzikë,të hedhin hapat e parë. Prej tyre këngëtarë që kanë dalë nga "Ethet e Së Premtes Mbrëma". Këngëtarët Klajdi Musabelliu,Orgesa Zaimi dhe Vesa Luma i dërgojne video mesazhe të ngrohta maestros,duke ndarë përjetimet dhe kujtimet e tyre me të.