Masat anti-COVID në kufi, radha e automjeteve nga Kosova që duan të futen në vendin tonë shkon në 12 kilometra! Qytetarët: Kemi 3 orë që presim

7 Shtator 2021, 09:53 | Përditesimi: 7 Shtator 2021, 15:20

Autobusë kamionë e makina të vogla në Kosovë, vijojnë edhe mëngjesin e sotëm të presin me orë të tëra për të hyrë në Shqipëri nga dogana e Morinës. Radha e automjeteve ka shkuar në 12 kilometra, deri në fshatin Zhur të Kosovës, ndërsa qytetarët ankohen për pritje deri në 3 orë.

Në Morinë po punohet me kapacitete të plota dhe forca të shtuara, e po ashtu procedura e verifikimit të dokumenteve anti-COVID është e shkurtër, sërish është e pamundur shmangia e radhëve në kufi.

r.k./Shqiptarja.com