Mbrojtja Civile në Kukës: Zjarri në Lakun e Thive dhe Lakun e Mollave po mbahet nën kontroll, nesër kërkohet përsëri ndërhyrje nga ajri

12 Gusht 2021, 20:41 | Përditesimi: 12 Gusht 2021, 20:41

Komisioni i Mbrojtjes Civile në Kukës ka bërë me dije se zjarri në Lakun e Thive dhe Lakun e Mollave është mbajtur nën kontroll ditën e sotme falë ndërhyrjes nga ajri. Megjithatë zjarri nuk është shuar dhe përsëri nevojitet ndërhyrja nga ajri.

“Megjithë punën e bërë nga forcat zjarrfikse të bashkisë Kukës dhe forcat e DMR-së Kukës  për mbajtjen nën kontroll të saj. Si rezultat i ndërhyrjes me Helikopter u rivendos nën kontroll vatra e zjarrit duke i ullur intensitetin zjarrit.

Terreni është shumë i vështirë për të ndërhyrë me forca tokësore, prandaj është e domosdoshme  dhe një ndërhyrjes tjetër nga ajri. Helikopteri sot bëri 6 hedhje me ujë.Nga Prefektura Kukes eshte bere kerkese per nderhyrje perseri nga ajri per nesër”, thuhet në njoftim.

LR/Shqiptarja.com