Mes zonjave, grave dhe vajzave të zonave rurale të Elbasanit, deputetja Sara Mila priti Orgesën, Nikin, Ledionën dhe Brunën, për një eksperiencë sa tradicionale aq edhe plot energji: një “Masterclass” të Ballokumeve. Të ndara në skuadra, me duart në brumë dhe me zemrat plot gëzim, kaluam një pasdite të bukur ku nuk munguan të qeshurat, këngët dhe shpirti i garës. Ishte pikërisht ajo atmosferë që këto ditë ndihet në çdo shtëpi elbasanase, ndërsa përgatitemi për Ditën e Verës dhe për aromën e ëmbël të ballokumes që mbush kuzhinat tona. Në fund, pas një “prove të vështirë” nga kuzhinierët e Sihanes, u shpall fituese ballokumja e skuadrës së Labinot Fushës, me në krye Nikin, moderatoren e Rreze Dielli, një dëshmi e bukur se tradita e kësaj ëmbëlsire të veçantë vazhdon të jetojë dhe të përcillet nga brezi në brez.