Juventus po kërkon me ngulm një sulmues, duke qenë se reparti ofensiv është i paplotë, pasi nuk ka gjetur marrëveshjen me Atletico Madrid për blerjen e Alvaro Morata-s. Në media po qarkullojnë disa emra, por më i përmenduri është Memphis Depay. Problemi për holandezin është se Barcelona nuk pranon huazimin, por vetëm blerjen përfundimtare, pasi ky është viti i fundit që ka nën kontratë holandezin. Nuk përjashtohet mundësia që Barcelona të tolerojë, duke parë mbipopullimin në sulm, por për momentin ka pak lëvizje.