Dy anëtarë të KAS-it, përfaqësues të PD-së, kanë vendosur për rinumërimin e kutive në Tiranë dhe Fier, në përpjekje për të evidentuar pretendimet për manipulim, ndonëse rezultati nuk pritet të ndryshojë për shkak të humbjes së thellë të demokratëve. Avokati Spartak Ngjela tha se ky veprim nuk do të ketë ndikim zgjedhor, por mund të ekspozojë Sali Berishën si të pabesueshëm, duke e vendosur në një pozitë politike të vështirë.
