Partia Demokratike ka mbledhur sot grupin parlamentar, ku në fokus të diskutimit pritet që të jenë dy çështje kryesore. Në mbledhje pritet që të diskutohet vendimi që do të marrin demokratët në lidhje me pjesëmarrjen në Komisionet Parlamentare, pasi nuk janë dakord që të zhvillohen online, ndryshe nga se ka propozuar Partia Socialiste. PD është shprehur se mbledhjet e Komisioneve Parlamentare të zhvillohen me prani fizike.