“Skaner” të milionave që qarkullojnë si donacione dhe sponsorizime në Shqipëri. Qeveria ka gati projektligjin e ri që synon të ndajë filantropizmin e pastër nga tentativat për pastrim parash dhe ndikim të paligjshëm. Projektligji i hedhur për konsultim publik dhe i propozuar nga dy ministri, ajo për Administratën publike dhe Antikorrupsionin dhe e Kulturës, Turizmit dhe Sportit, premton transparencë për çdo qindarkë që hyn në sektorët publikë.