Shqipëri-BE dhe kriza \Pjesa e tretë

30 Maj, 20:19

Pjesa e trete e emisionit Repolitix

Zëvendës ministri i Jashtëm, Sokol Dedja i është përgjigjur akuzave të ardhura nga eksponentë të opozitës të cilët janë shprehur skeptik lidhur me vendimin e sotëm të KE, sipas së cilëve nuk ka motiv për "t'u gëzuar".

I ftuar në "Repolitix" në Report Tv, ai është shprehur se ky vendim ka një rëndësi më të madhe krahasuar me progres-raportin e vitit të kaluar. Sipas tij, Shqipëria ka arritur të përmbyshë pritshmëritë që ka pasur KiE lidhur me progresin në pikat kryesore, kyçe për çeljen e negociatat.

"Është më i thelluar sepse KE është institucioni që KiE e ka ngarkuar që të shoh arritjet e Shqipërisë në ato pikat që ato i kishin vendosur si kusht për çeljen e negociatave. Në këto pika, Komisioni vendosi që Shqipëria ka bërë progres në këto fusha të caktuara nga KiE. Është arritur ajo që pritej nga Shqipëria", u shpreh Dedja

Duke u ndalur tek kriza politike, se sa mund të ndikojë kjo në vendimin e qershorit, Dedja tha se zhvillimet e brendshme politike janë një faktor i rëndësishëm që merret parasysh nga vendet anëtare.

"Është një faktor që vendet e marrin në konsideratë. Duhet të japim sa më pak argumente këtyre shteteve skeptike për të votuar "pro", përfundoi ai.

Programe të tjera

Shiko të gjitha