Policia Kufitare dhe Njësia Policore Detare bëjnë me dije se gjatë javës që lamë pas, në kuadër të operacionit “Siguria Detare” ka bllokuar 35 mjete lundruese.
Operacioni është zhvilluar nga Ksamili në Koman përgjatë gjithë vijës bregdetare, hapësirave liqenore dhe atyre lumore.
Mjetet e bllokuara janë 20 jet ski, 8 skafe, 5 gomone dhe 2 varka metalike, një pjesë e të cilëve nuk kishin dokumentacionin përkatës, teksa kishte dhe nga ata drejtues që shkelën perimetrin e sigurisë duke rrezikuar jetën e pushuesve.
