Shiu dhe breshëri që përfshinë dje qarkun e Kukësit kanë ndihmuar në shuarjen e vatrave të zjarrit. Ilmi Lisha koordinator i Përgjithshëm i Prefekturës Kukës në një prononcim për media ka folur në lidhje me situatën aktuale të zjarreve në vend.
Lisha tha se në përgjithësi zjarret janë fikur, por në Lakun e Thive dhe në Lakun e Mollave ka disa mbetje zjarri, për të cilat po merr masat bashkia që të asgjësohet përfundimisht zjarri. Lisha tha se ende nuk kemi një bilanc përfundimtar të djegieve nga zjarri, por dëmet janë të konsiderueshme.















