Paraqitet e vështirë situata me flakët më Majën e Rrunës në Kukës, ku zjarret vijojnë të përhapen, ndërsa terreni malor vështirëson lokalizimin dhe punën për shuarjen e tyre.
Flakët kanë përfshirë pjesën më të madhe të malit, ndërsa në terren janë nisur forcat e ushtrisë dhe ekipet e Bashkisë Kukës, për të mbajtur zjarrin nën kontroll në mënyrë që të mos rrezikojë zonat e banuara. Ndërkohë pritet edhe ndërhyrje me helikopter nga ajri.















