SPECIALE /Skateboard, patina dhe BMX në Tiranë! Të rinjtë: Njerëzit mendojnë se ekzistojmë vetëm në filma

22 Mars 2021, 12:26 | Përditesimi i fundit: 2021-03-22 13:48:34

Çdo të shtunë para stadiumit Air Albania qindra të rinj mblidhen për të ushtruar pasionet e tyre jo shumë të zakonshme. Janë pasione sportive të cilat përfshijnë patinat, BMX dhe skateboard. Për Report Tv këta të rinj treguan se çfarë i bën ata të ushtrohen këtu për 3-4 orë. Një pasion i fortë që pakkush e dinte se ekzistonte.”

Të gjithë të rinjtë janë pjesë e një grupi të quajtur ‘hi-skaters’, të krijuar fillimisht nga Ermelinda dhe Arti, dy të rinj të njohur në shkollë. Ermelinda thotë se njerëzit habiten shumë me pasionet e tyre, që i konsiderojnë edhe të rrezikshëm.