Sot në orën 18:00 Donald Trump do të bëhet presidenti i 47-të i SHBA-ve. Po ju tregojmë 10 detajet që duhet të dini për ditën e sotme, përfshirë betimin dhe listën e të pranishmëve.
Donald Trump, presidenti i 45-të dhe së shpejti i 47-të i Shteteve të Bashkuara, do të inaugurohet sot në Uashington. Për shkak të motit të acartë, ceremonia është zhvendosur brenda, në Rotondën e Kapitolit, në vend që të mbahej në shkallët e Kapitolit, ku ai u betua për herë të parë tetë vite më parë. Trump do të bëjë sërish betimin dhe do të kurorëzojë një rikthim të jashtëzakonshëm politik.
