Speciale/ 20 vjet nga sulmet e 11 shtatorit në SHBA! Ngjarja që ndryshoi botën, por që ende e rrethojnë pikëpyetjet dhe dilemat

11 Shtator 2021, 17:30 | Përditesimi i fundit: 2021-09-12 08:13:57

E marta, 11 shtator, 2001, filloi si një ditë normale në New York City dhe Washington DC, me një diell që shndrinte fuqishëm dhe qiell të pastër. Me po të njëjtët njerëz që nxitonin të shkonin në punë, me po të njëjtën zhurmë dhe trafik që karakterizon qytetet e mëdha, të pavetëdijshëm për rrezikun me të cilin do të përballeshin dhe që për shumë prej tyre mund të ishte dita e fundit e jetës. 

Deri në fund të ditës, bota kishte ndryshuar plotësisht. Shtetet e Bashkuara do të pësonin sulmin më të rëndë terrorist në historinë e vendit dhe gati 3,000 njerëz kishin vdekur, duke i dhënë historisë një trajektore krejtësisht të ndryshme dhe më të dhunshme.