Strehimi i afganëve, disa prej tyre do të vendosen në konviktet e Tiranës, studentët marrin valixhet dhe largohen nga Qytet Studenti

16 Gusht 2021, 16:12 | Përditesimi: 16 Gusht 2021, 16:12

Përveç hoteleve në Durrës, tek të cilat autoritetet shqiptare po shohin mundësi për strehimin e shtetasve afganë, tashmë strehim të tyre do të ketë edhe në godinat në Qytetin Studenti.

Burime për Report Tv bëjnë me dije se godinat nr. 2 dhe nr. 4 janë përcaktuar deri tani si vendstrehimet e shtetasve afganë që pritet të mbërrijnë në Shqipëri.

Studentëve banorë të këtyre godinave u është kërkuar që të largohen përkohësisht nga ambientet e saj, për t'u zhvendosur në godina të tjera, për të paktën tre javë.

Një pjesë e studentëve kanë pranuar të largohen nga godinat nr. 2 dhe 4 në drejtim të godinave nr. 3 dhe 1, por një pjesë tjetër i thanë Report Tv jashtë kamerave se duan të largohen përfundimisht. Report Tv ka siguruar pamje të zhvendosjes së studentëve.

LR/Shqiptarja.com