Trafikonte kokainë në Astir, kapet mat nga policët! 38-vjeçari shmangte kontrollet me badge polici false

6 Gusht 2021, 10:15 | Përditesimi: 6 Gusht 2021, 10:15

TIRANË- Një 38-vjeçar është arrestuar pasi trafikonte kokainë në zonën e Astirit. Për trafikimin e kokainës 38-vjeçari i identifikuar si Anteo Guci përdorte badge fals policie për t’iu shmangur kontrolleve.

Në kuadër të operacionit "Detonatori", policia ka ushtruar kontroll në banesën e Gucit e cila ndodhej në zonën e Astirit, ku është sekuestruar 1 armë zjarri pistoletë, municion luftarak, ndezës detonatorë për granata, dy karta identifikimi policie të dyshuara të falsifikuara, 2 peshore elektronike, 1 automjet, 1 motomjet dhe një sasi lënde narkotike kokainë.

KT/Shqiptarja.com