Vihen nën kontroll tre vatrat e zjarreve në fshatrat Plesat, Kardhiq dhe Prongji të Gjirokastrës

25 Korrik 2025, 09:56 | Përditesimi: 25 Korrik 2025, 09:56

Gjirokastër- Vihen nën kontroll flakët e zjarrit në fshatrat Plesat, Kardhiq dhe Prongji të Bashkisë Gjirokastër.

Pas një operacioni të gjatë dhe të vështirë, zjarri që përfshiu tre fshatrat është vënë nën kontroll. Gazetari i Report Tv, Piro Nase, informon se që prej orës 04:30 të mëngjesit, forcat zjarrfikëse dhe strukturat mbështetëse kanë arritur të shuajnë plotësisht vatrat e zjarreve, duke parandaluar përhapjen e flakëve në drejtim të zonave të banuara.

Në operacion asistuan efektivi zjarrfikës, punonjës të bashkisë, 15 forca të ushtrisë.

Aktualisht, grupet në terren janë të angazhuara në shuarjen e trungjeve ende të aktivizuara dhe monitorimin e zonës, për çdo riaktivizim të mundshëm të flakëve.

r.k./Shqiptarja.com