Viti i ri akademik ka nisur edhe në Universitetin ‘Aleksandër Xhuvani’ në Elbasan. Përkundër 2114 kuotave të përcaktuara nga institucioni arsimor në përfundim të dy raundeve të para janë regjistruar 1097 studentë, ose 50 % e kuotave të plotësuara. Sakaq fakulteti i cili kryeson edhe këtë vit është ai i Shkencave Mjekësore Teknike ku janë ezauruar 65% e kuotave, ndërsa programi më i lakmuar është Infermieria e cila nuk ka asnjë vend të lirë, teksa  janë regjistruar 250 studentë.