Administratori i faqes “Vipat e Bllokut”: Showbizi shqiptar më i keqi, artistët ia “fusin” njëri tjetrit

Mjaft i zhgënjyer me showbizin shqiptar është shprehur 20 vjeçari Sitiliano Kananaj, themeluesi i një prej faqeve më të mëdha në instagram vipat_e_bllokut_official_ që demaskon ndryshimet estetike të personazheve të ndryshëm të artit apo jetës publike në Shqipëri. Duke folur në emisionin “Rreze Dielli” në Report TV, Stiliano shpjegoi edhe qëllimin kryesor të kësaj faqeje.

“Vipat thonë vetë që më hidh foton sepse duan të rrisin klikimet dhe janë ata që përfitojnë nga faqja jonë.

Donim të nxirrnim të vërtetën e showbizit sepse ata (VIP-at) duhet ta pranojnë përderisa janë përsona publikë që kanë bërë ndërhyrje. Pasi ka plot njerëz që frymëzohen prej tyre. Për shkak të të tyre, shkojnë 13 vjeçaret që i kërkojnë mamit lekë për të bërë botox. Me këtë faqe kam njohur vërtet showbizin shqiptar, më i keqi. Edhe kolegët çojnë foto të shokëve apo kolegeve ku kanë dalë keq dhe ma dërgojnë që ta hedh atë foto”

Enca Haxhia, “mashtruesja” më e madhe e photoshop-it

Stiliano Kananaj ka komentuar në studio edhe disa prej VIP-ave shqiptarë që sipas tij kanë bërë ndërhyrjet më të mëdha estetike apo që “gënjejnë” fansat e tyre përmes photoshop-it ku në krye, sipas tij, qëndron këngëtarja Enca Haxhia.

“Enca e modifikon shumë veten, përdor shumë photoshop-in. Enca " mashtruesja" më e madhe me phtoshop ndërsa Luana nuk pranon që ka bërë ndërhyrje. Ska shanse që Luana të jetë origjinale se janë fotot e vjetra që e vërtetojnë. Vetëm shqiptarin nuk e bëjnë për budalla.

Luana Vjollca ka hequr dhe brinjët

Sipas 20 vjeçarit, prezantuesja e famshme Luana Vjollca, jo vetëm që ka zmadhuar të pasmet dhe gjoksin, apo ka fryrë buzët, por madje ka hequr edhe brinjët për të holluar belin e saj, duke ndryshuar tërësisht konstruktin e fizikut.

“Luana, cfarë nuk ka bërë, ka hequr edhe brinjët, dhe ka shtuar të pasmet. Ajo ka zmadhuar gjoksin dhe buzët. Normale që nuk i them nga vetja ime por i kam diskutuar me ekspertë ndryshimet që ka bërë”.

Pavarësisht se ka plot që janë të pakënaqur nga fotot që faqja vipat_e_bllokut_official_ nxjerr çdo ditë, të cilët edhe e kanë kërcënuar apo ofruar para, Stiliano Kananaj tha se askush nuk do të mundet tja mbyllë gojën.

e.gj.
Komento