Albana Vokshi ironizon Ramën pas check up-it: Mund të ketë dozë kokaine

Deputetja e Partisë Demokratike Albana Vokshi ka ironizuar kryeministrin Edi Rama, i cili publikoi një video nga ambientet e poliklinikës numër 9 në Tiranë, ku bëri dhe check-up-in falas. Pasi e cilëson si shfaqje sjelljen e Ramës, Vokshi shprehet se kur PD të vijë në pushtet do e anulojë koncesionin.

Në vend që të japë dorëheqjen për dështimin me turp të check up-it, Edi Rama jep shfaqje në mbrojtje të koncesionit të vet më korruptiv prej 120 milionë eurosh.

Pavarësisht manipulimeve, shantazheve dhe kërcënimit të mjekëve, vetëm 27% e shqiptarëve e kryejnë check up-in.

LEXO EDHE:
Durrës/ Brenda vitit hapet parkimi me energji të vetëprodhuar nga dielli, 400 vende! Godina do ketë zyra e hapësira për evente

Partia Demokratike do ta anullojë këtë koncesion korruptiv që është baza e degradimit të sistemit shëndetësor. Paratë e përfituara në kundërshtim me ligjin nga sponsorizuesja e Edi Ramës, Vilma Nushi, do t’i kthehen qytetarëve me investime serioze që i shërbejnë realisht shëndetit të qytetarëve.

p.s. Nëse epruveta me kampionin e gjakut të Edi Ramës, nuk është marrë mbrapsht, uroj që të mos ketë gabime. Jo pak burra kanë dalë shtatzanë nga check up. Fati i keq i ndonjë tjetri, se nga analizat e gjakut, mund të rezultojë me dozë të lartë kokaine.

Albana Vokshi

/b.ha./Shqiptarja.com

TAG:
• edi rama
• Albana Vokshi
• check-up