'Më jepni lekët', i riu nga Rrësheni terrorizon punonjësit e bankës në Durrës, arrestohet nga policia

Një bankë e nivelit të dytë është tentuar të grabitet sot në Durrës. Report Tv sjell pamje nga vendi ku është tentuar grabitja e bankës, pranë stacionit të trenit. Forca të shumta policie kanë mbërritur në vendngjarje dhe kanë arrestuar autorin.

Report Tv mësoi se është arrestuar shtetasi Kreshnik Margjoni, 24 vjeç, nga Rrësheni, banues në zonën e Kënetës, në qytetin bregdetar. 24-vjeçari është futur në ambientet e bankës, i armatosur me një thikë, duke kërcënuar punonjësit e arkës që t’i jepnin shumën e parave.

Punonjësit kanë njoftuar menjëherë policinë, e cila ka arritur në vendngjarje dhe ka bërë të mundur arrestimin e autorit. Ndërkohë, policia ka rrethuar gjithë perimetrin e bankës, për shkak të sigurisë, deri në zbardhjen e rrethanave të ngjarjes.

Njoftimi i policisë:
Kërcënon me thikë punonjësit e bankës, arrestohet në flagrancë nga Policia.  Më datë 13.04.2018, rreth orës 11:10 në lagjen Nr.4 Durrës, në ambientet e një banke të nivelit të dytë, shtetasi K.M. 24 vjeç, banues në Durrës, ka tentuar të vjedhë me dhunë, nën kërcënimin e një thike një sasi parash.

Menjëherë në vendngjarje kanë shkuar Efektivët e Policisë, të cilët kanë bërë të mundur kapjen e autorit, sekuestrimin e thikës dhe të parave.

LEXO EDHE:
Trafikonin emigrantë duke i ndihmuar për të kaluar kufirin, arrestohet një 53-vjeçar nga Kukësi

Shtetasi i mësipërm është shoqëruar në ambientet e Komisariatit të Policisë Durrës për kryerjen e veprimeve të mëtejshme procedurale në bashkëpunim me Prokurorinë e Rrethit Gjyqësor Durrës.

TAG:
• grabitje ne durres

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19.2%

• Jo

  72.1%

• Nuk e di

  8.6%

Vota total: 3078

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di