Liderët evropianë synojnë mbrojtjen e kompanive nga sanksionet e SHBA-së në Iran

Liderët e Bashkimit Evropian pritet që në Samitin e Sofjes më 17 maj, të diskutojnë për masat që mund të marrë blloku për të mbrojtur kompanitë evropiane nga sanksionet e reja të Shteteve të Bashkuara në Iran.

Shefja për Politikë të Jashtme në BE, Federica Mogherini ka thënë se komisionerët evropianë do të diskutojnë nëse mund të përdoren masat e vitit 1990 për bllokimin e sanksioneve, në mënyrë që të mbrohen interesat e bizneseve evropiane në Iran.

Ne jemi duke punuar për gjetjen e zgjidhjes praktike. Jemi duke diskutuar mënyra si mund ta mbajmë marrëveshjen të gjallë tani që Shtetet e Bashkuara janë larguar nga pakti bërthamor i vitit 2015 që Teherani ka nënshkruar me fuqitë botërore. Nuk mund të flas për garancë ekonomike apo ligjore, mirëpo mund të them se ka seriozitet dhe vendosshmëri nga ana evropiane.

LEXO EDHE:
Kolegji Evropian në Tiranë, ‘shtëpia’ e parë në godinën ‘Liria’ në QS! Mogherini: Viti i ri akademik nis në shtator! Patëm 242 aplikime, u përzgjodhën 31 studentë

Federica Mogherini

Zyra amerikane e Thesarit ka paralajmëruar bizneset evropiane se kanë 90 ditë për të ndaluar të bërit biznes me Iranin para nisjes së zbatimit të sanksioneve amerikane, derisa edhe liderët amerikanë u kanë thënë kompanive evropiane t’iu kushtojnë vëmendje sanksioneve.

TAG:
• Federica Mogherini
• lideret evropiane
• sanksionet e SHBA-se
• Sofje

Sondazhi i ditës:

A ka politika frikë nga SPAK-u?

• Po

  68.7%

• Jo

  26.3%

• Nuk e di

  5%

Vota total: 4128

• Sondazhi i ditës:

  A ka politika frikë nga SPAK-u?

  Po Jo Nuk e di