POP 5

Lajmet më të lexuara të 5 minutave të fundit

Politikë

UT nderon me ‘doctor honoris causa” Federica Mogherinin! Kolegji i Evropës shpejt me kampus në Tiranë, Rama: E jashtëzakonshme, para disa viteve s’imagjinohej

Së shpejti në Tiranë pritet që të ndërtohet një kampus universitar i Kolegjit të Evropës. Një memorandum mirëkuptimi është firmosur në Ministrinë e Arsimit ndërkohë që rektorja e Kolegjit Federica Mogherini është nderuar edhe me Honoris Causa në Tiranë! I pranishëm ishte edhe Kryeministri Rama.pol

Në Tiranë ish kryediplomatja e Bashkimit Evropian, Federica Mogherini, u nderua me titullin ‘Doctor Honoris Causa’...por vizitat e saj në kryeqytet do të jenë më të shpeshta.

"Federika do të vijë më shpesh në Shqipëri, tanimë si drejtore e Kolegjit të Europës. Në Tiranë që do të jetë pjesa e tretë e Kolegjit të Europës që qendrën e ka në Bruzh (Bruges)", tha Rama.

Me këtë mesazh Kryeministri Rama e përshëndeti ceremoninë e organizuar nga Senati i Universitetit të Tiranës në nder të ish diplomates që aktualisht është Rektore e Kolegjit të Evropës. Rama nuk e fshehu krenarinë që premtimi i dhënë disa muaj më parë tanimë bëhet realitet.

"Është diçka vërtet e jashtëzakonshme për ne. Diçka që do të ishte shumë e vështirë ta imagjinonim vetëm deri disa vite më parë që Shqipëria do të bëhej vendi i Kolegjit të Europës", tha Rama.

Marrëveshjen e përshëndeti edhe ambasadorja e BE-në në Tiranë, Hohmann. Sipas saj ngritja e kampusit universitar këtu është lajm i mirë për Shqipërinë dhe rajonin, pasi edhe këtu do të përgatiten nëpunësit publikë që do të formësojnë të ardhmen e BE-së.

Rektorja Mogherini dhe ministrja Kushi nëshkruan dje Memorandumin për përfaqësimin e Shqipërisë në Këshillin Administrativ të këtij institucioni.

Kolegji i Evropës është një institucion i Arsimit të lartë i njohur në të gjithë Evropën për përgatitjen e ekspertëve, specialistë të nivelit të lartë për çështjet evropiane dhe të marrëdhënieve midis vendeve, zgjerimit.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46