Arrihet marrëveshja me Real Madrid, Ronaldo transferohet te Juventus për shifrën rekord

Arrihet marrëveshja me Real Madrid, Ronaldo transferohet te Juventus për shifrën rekord

Cristiano Ronaldo

Mediat italiane dhe ato spanjolle e bëjnë fakt të kryer, ylli i Real Madrid, Cristiano Ronaldo pritet të firmosë në orët në vijim me Juventus. Kontrata që i është ofruar portugezit nga kampionët e italisë, është 4-vjeçare dhe do përfitojë 30 mln euro në sezon. Sipas "Marca"-s, lamtumira e Ronaldos nga Madridi është vetëm çështje orësh. Të njëjtën gjë raportojnë edhe të përditshmet italiane "Corriere" si dhe "La Gazeta dello Sport".

Nga marrëveshja e shitjes së Ronaldos, Real Madrid do përfitojë në arkat e tij direkt 105 mln euro, ndërsa i gjithë operacioni kalimit të portugezit në Torino, pritet të kushtojë 400 mln euro. Ky do të jetë transferimi më i shtrenjtë në histori që pritet të trondisë botën e futbollit, ndërsa paktin Juventus-Real Madrid mediat italiane si dhe ato spanjolle e kanë pagëzuar si "marrëveshja e shekullit".  

Pesë herë fituesi i "Topit të Artë" kthehet kështu në blerjen më të shtrenjtë të klubit, si dhe lojtarin më të paguar në planet. Portugezi largohet pas 9 viteve nga Bernabeu, ku ka shënuar 450 gola dhe fitoi katër trofe Champios League me "galaktikët". 33-vjeçari raportohet se ishte i pakënaqur me kontratën aktuale te Real dhe tani do të veshë fanellën me nr. 7 te Zonja e Vjetër.

Ndërkohë, Andrea Agnelli, presidenti i Juventusit, ka udhëtuar sot për në Greqi, ku Cristiano Ronaldo është me pushime, me qëllim të arritjes së nënshkrimit të shumëpritur të “7”. Agnelli kishte kërkuar leje nga Real Madridi për këtë takim dhe klubi i bardhë ia ka dhënë.

Në “Bernabeu” kanë pranuar vendimin e Cristiano Ronaldos dhe ofertën prej 105 milionë eurosh, që kampionët italianë do të paraqesin. Historia legjendare e CR7 te Real Madridi po afron fundin e saj. Një tjetër histori është gati të nisë te Juventusi, por ndoshta edhe në Seria A, që tashmë do të ketë në gjirin e vet pesë herë fituesin e “Topit të Artë”. I gatshëm të vazhdojë të shkruajë me germa të arta kapituj të tjerë të karrierës së tij të ndritur.

Rendit zhvillimet sipas orarit:
Ora 18:04
Letra/ Ronaldo i jep lamtumirën Realit: Kalova 9 vitet më të lumtura të jetës, dua të iki

Cristiano Ronaldo i jep lamtumirën Realit të Madridit pas 9 vitesh që kaloi në klubin më të famshëm në botë, 13 herë fitues i UEFA Champions League. 

Portugezi i ka thënë mirupafshim Realit të Madridit, nëpërmjet një letre të postuar në faqen zyrtare të klubit merengues ku falenderon tifozët dhe klubin për gjithçka kanë bërë për të.

Këto vite tek Reali i Madridit, dhe në këtë qytet, ishin ndoshta më të lumturat të jetës sime. Kam vetëm vlerësim maksimal për këtë klub, dhe për këtë qytet. Ju falenderoj të gjithëve për dashurinë dhe afeksionin që kam marrë. Sidoqoftë, mendoj se është koha të hap një fazë të re në jetën time, dhe prandaj i kërkova klubit të pranojë largimin tim.

I kërkoj të gjithëve, në veçanti tifozëve të më kuptojnë. Ato kanë qenë të mrekullueshëm për 9 vite. Kanë qenë 9 vite unike. Ishte një moment emocional për mua, plot me konsideratë por edhe të vështirë sepse Reali i Madridit është një klub shumë kërkues.

Mesazhi i Ronaldos drejtuar Real Madrid

Letra e Cristiano Ronaldos:

Këto vite në Real Madrid, dhe në këtë qytet të Madridit, kanë qenë ndoshta më të lumturat e jetës sime. Kam vetëm ndjenja të mirënjohjes së madhe për këtë klub, për këtë hobi dhe për këtë qytet. Unë vetëm mund t'i falënderoj të gjithë ata për dashurinë që më kanë dhënë. Megjithatë, besoj se ka ardhur koha për të hapur një fazë të re në jetën time dhe për këtë arsye kam kërkuar klubin që të pranojë transferimin e tij. Ndihem në këtë mënyrë dhe i kërkoj të gjithëve, dhe sidomos pasuesve tanë, të më kuptojnë.

Ata kanë qenë absolutisht të mrekullueshme për 9 vjet. Kanë qenë 9 vite unike. Ka qenë një kohë emocionuese për mua, plot me konsideratë, por edhe e vështirë sepse Real Madridi ka një kërkesë shumë të lartë, por unë e di shumë mirë se nuk do të harroj kurrë se unë e kam shijuar futbollin këtu në një mënyrë unike.

Së bashku ne kemi fituar 3 Champions radhazi dhe 4 Champions në 5 vjet. Në një nivel individual, kam kënaqësinë që kam fituar 4 Topa ari dhe 3 këpucë ari. Të gjitha gjatë kohës sime në këtë klub të jashtëzakonshëm. Real Madrid ka fituar zemrën time, dhe të familjes time, kështu që më shumë se kurrë dua të them faleminderit: falënderoj klubin, presidentin, drejtorët, kolegët e mi, të gjitha teknikë, mjekët, dhe punëtorët e pabesueshëm që bëjnë gjithçka të punojnë dhe që janë në pritje të çdo detaji të palodhur.

Faleminderit pafundësisht edhe një herë tifozëve tanë dhe të futbollit spanjoll. Gjatë këtyre 9 viteve emocionuese kam pasur lojtarë të mëdhenj para meje. Respekti im dhe mirënjohja ime për të gjithë ata.

Kam reflektuar shumë dhe e di se ka ardhur koha për një cikël të ri. Po largohem, por kjo këmishë, kjo mburojë dhe Santiago Bernabeu do të vazhdojnë të ndjehen gjithmonë si të mija kudo që të jem. Faleminderit të gjithëve dhe natyrisht, siç thashë për herë të parë në stadiumin tonë 9 vite më parë: Hala Madrid!

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Faik: 11/07/2018 15:45

    Ronaldo ka bërë Gabimin më të madh në JETË , që pranoi të veshë Fanellën e HAJDUTËVE dhe MAFJES NDRAGETTA me emrin RUBENTUS ( Juventus ) !!! TURP TURP TURP !!! Ronaldo është treguar shumë KokëFort dhe shumë NAIV , sepse në radhë të parë TORINO është një Qytet Industrial i SHËMTUAR dhe NUK është as MADRID JO dhe JO , por NUK i Afrohet fare as MILANOS dhe ROMËS që janë SUPER QYTETE !!!!!!!! RONALDO do bëhet shumë Pishman dhe kjo do ndikojë edhe në Gjendjen e tij PSIKOLOGJIKE sepse TORINO e SHÊMTUAR NUK do ti Ofroj RONALDOS as 10% , ç'farë SUPER QYTETI i MADRIDIT i Ofronte , dhe RONALDO do jetë me FAT tek Juventus po Shënoi 20 GOLA të gjithë SEZONIN ! Mbajeni mend ! Këtu do jemi !

    Përgjigju
    • meldis: 13/07/2018 10:01

      nuk ka shance ma se lojtari i mire luan gjidhandej ronaldo eshtre me i miri ne univers

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Arrestimet në bashkinë e Tiranës, deputeti socialist në 'Frontline': Ja lumsha SPAK-ut, të korruptuarit atje ku e meritojnë

Arrestimet në bashkinë e Tiranës, deputeti socialist në 'Frontline': Ja lumsha SPAK-ut, të korruptuarit atje ku e meritojnë