Modelja e famshme vuan nga një çrregullim mendor, zbuloni cilat janë pasojat e kësaj sëmundjeje

Sara Sampaio është një prej modeleve më të pëlqyera të Victoria`s Secret. Disa ditë më parë, ajo ka zbuluar se vuan nga një çrregullim mendor që ndikon në përditshmërinë e saj. E ngecur në trafik, modelja e njohur ka kërkuar nga fansat në Instastory që t`i bëjnë pyetje. Një prej tyre e ka pyetur për rutinën e vetullave dhe ajo është përgjigjur: “Epo përpiqem të mos i prek, por fatkeqësisht vuaj nga trichotillomania dhe i shkul.

Kështu që kam shumë hapësira në vetulla dhe thjesht përdor një laps për t`i mbushur!” Një numër i madh fansash kanë pohuar se vuajnë nga e njëjta sëmundje si ajo dhe modelja ka vendosur që të bëjë një postim në lidhje me këtë: “Për të gjithë ata që nuk e dinë çfarë është, trichotillomania është një çrregullim i kontrollit të impulseve, që karakterizohet nga një nevojë urgjente për të shkulur vetullat, flokët apo qepikët .’ Gjithashtu ka shtuar se me këtë gjë është përballur prej moshës 15-vjeçare, kur filloi të shkulte qerpikët, më pas kaloi te vetullat.

Modelja ka treguar se kur është në stres kjo gjë përkeqësohet. Për disa trichotillomania është një çrregullim i menaxhueshëm, ndërsa për disa të tjerë nuk mund të kontrollohet dhe madje mund të mbeten pa flokë, vetulla apo qerpikë. Shkaqet e këtij çrregullimi nuk dihen, por faktorët si rastet në familje, stresi dhe ankthi mund të ndikojnë. Sipas studimeve të ndryshme, trichotillomania prek rreth 4% të popullsisë dhe më të prekura janë gratë. Me siguri keni dëgjuar për raste të njerëzve që vuajnë nga kjo gjë, por të paktë janë ata që e njohin dhe e dinë që kanë të bëjnë me një çrregullim të quajtur trichotillomania.

LEXO EDHE:
VIDEO/ Java e modës në Milano, modelja qëllohet me tortë në fytyrë gjatë ecjes në pasarelë, ja cila është arsyeja 

TAG:
• Modele
• crregullim mendor
• Sara Sampaio

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  25.3%

• Keq

  60.6%

• Nuk e di

  14%

Vota total: 1573

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di