POP 5

Lajmet më të lexuara të 5 minutave të fundit

Ndërron jetë veterani më i vjetër i Luftës së Dytë Botërore

Richard Overton

Një veteran i Luftës së Dytë Botërore, i cili besohet të ketë qenë njeriu më i moshuar në Shtetet e Bashkuara të Amerikës, ka vdekur në moshën 112-vjeçare.Sipas CCN, lajmi është konfirmuar nga një anëtar i familjes së tij.

Richard Overton ndërroi jetë më 27 dhjetor në ambientin e një spitali në qytetin Austin të Teksasit, për shkak të sëmundjes së pneumonisë.

Ai u nderua në vitin 2013 nga presidenti i atëhershëm amerikan, Barack Obama në ceremoninë e Ditës së Veteranëve. Prestigjiozia britanike ka risjellë në vëmendje një intervistë të tijën, po në vitin 2013, ku shprehej për jetëgjatësinë e tij se ishte një dhuratë e Perëndisë, pasi nuk kishte hequr kurrë dorë nga veset dhe konsumimi i alkoolit. 

"Unë pi uiski duke e përzier me kafenë. Ndonjëherë më ndodh ta pi atë drejtë", u shpreh Overton kur ishte 107 vjec. "Vazhdoj të pi cigare por tymin e nxjerr jashtë, nuk e fus brenda".

Historia e Richard Overton, si veteran i Luftës së Dytë Botërore, u shndërrua në vitin 2015 në subjektin e një dokumentari të shkurtër të titulluar "Z.Overton", nga regjizorët Austin Rocky Conly dhe Matt Copper.

Veterani më i vjetër i Luftës së Dytë Botërore, Richard Overton

a.s.
Komento