Sistemi zgjedhor në prag të zgjedhjeve parlamentare të vitit 2025 duket se ka angazhuar të gjithë faktorin politik në vend, ku një zë i fuqishëm për ndryshimin e këtij sistemi ka ardhur nga partitë e reja. Në ‘Studio Live’ në Report Tv, kreu i Nisma Thurje’, Endri Shabani theksoi domosdoshmërinë e listave të hapura.
'Besoj se për votuesit është e rëndësishme të ketë pushtet. Edhe për kandidatët të ketë më shumë garë. Secili nga kandidatë nëse merr më shumë vota bëhet deputete. Me lista të mbyllura kjo nuk varet nga votuesi. Pushteti qëndron tek kryetari i partisë, nëse hapen listat pushteti qëndron tek votuesi. Kandidatë më të pavarur dhe votues më të fuqishëm', tha Shabani.
Analisti Genc Burimi u shpreh se ky debat për sistemin zgjedhor është mjaft teknik dhe është një luks për Shqipërinë, ku mungon demokracia.
'Ky është debat fallco. Sot nuk je më në kushtet e një debati teknik, por në kushtet e një debati nëse mbahen zgjedhjet apo jo. Opozita e Berishës, e kanë ngritur stekën tepër lartë, kërkojnë qeveri teknike, nuk hyjnë në zgjedhje me Ramën. Është një besim që është thyer sidomos me rastet e fundit. Ky është një debat jetësor ka apo nuk ka zgjedhje në 2025.
Po shkoi në zgjedhje me Ramën shkon si cjapi te kasapi. Çfarëdo reforme të bësh Ramës, reformën e Zvicrës apo Finlandës, në këto kushte kur sa më shumë vepron drejtësia aq më shumë shton paratë korrupsioni nuk ka zgjidhje. Si mund të besosh se po të bësh reformë me këtë personazh mund të fitosh. Nuk mund të ketë reformë zgjedhore definitive para se të njihet rezultati i zgjedhjeve në SHBA', u shpreh Burimi.
Shabani nga ana tjetër, thekson arsyet se Rama duhet të ishte dorëhequr me kohë, por nga ana tjetër një sistem i mirë zgjedhor e mundëso diçka të tillë.
'Sistemi zgjedhor nuk është vetëm për një palë zgjedhje. Vendos raporte mes votuesit dhe përfaqësuesit të vetë. Sistemi duhet të jetë demokratik, pasi ka prodhuar parti autoritare. Një problem që duhet zgjidhur. Janë dy gjëra që nuk kanë lidhje me njëra tjetrën. Besoj se Edi Rama duhet të ishte dorëhequr me kohë. Çdo ditë ka një arsye pse shqiptarët duhet të kishin një qeveri më të mirë.
Edi Ramën e kanë lënë dhe nervat, sot është njoftuar një grevë e gazetarëve italianë për shkak të presioneve të Melonit dhe Ramës ndaj gazetarëve. Janë skandale të përditshme pse Rama duhet të dorëhiqet. Por kjo është tjetër çështje dhe sistemi zgjedhor është tjetër çështje. Që në 2017 Rama marrë më pak se 49% të votave. Arsyeja pse ka një mazhorancë të tillë në parlament është se ka një sistem zgjedhor që i jep avantazh. Sistemi zgjedhor është shumë e rëndësishme', theksoi Shabani.
Burimi thotë se sistemi mund të jetë demokratik, por problem mbetet zbatimi i tij.
'Shqipëria nuk vuan nga një sistem zgjedhor jo demokratik,. Është zbatimi jo demokratik. Prandaj e quaj debat tekniko dhe luksoz në gjendjen ku jemi për tjetërsimin e votës. Nëse ai në lojë thotë topi është i imi penalltinë e gjuaj unë. Nuk mund të hyhet në zgjedhje me një person që vjedh zgjedhjet', nënvizoi analisti.
Endri Shabani në 'Studio Live' komentoi krahasimin e Burimit se lufta Berisha -Rama i ngjan asaj të Putinit me Navalnyn, pasi kreu i Rithemelimit është në arrest shtëpie.
'Nuk e besoj se SPAK është në dorë të Edi Ramës. Navalny nuk merr leje ndërtimi, nuk ka 17 kulla. Nëse në një vend pushteti ka kapur drejtësinë, nëse kryeministri të lë të bësh pallate atëherë nuk është ai që po të fut në burg. A do Berisha të vijë në pushtet? Patjetër që do. Puna është që nuk vjen kurrë. Thotë të paktën të rrijë në krye të opozitës dhe nuk i ka dalë keq. Edhe aty ku është tani. Asnjë votues nuk e ëndërron të ketë shtëpinë aty.
Këto indikatorë më bën të besoj që pavarësisht betejës janë bashkë. Frika nga SPAK, frika nga ndërkombëtarët, pra që ka një presion, interesi politik, synimin për t’i mbajt partitë në zap. Në disa pika si amnistia, lufta ndaj SPAK, janë bashkë. Votuesit na dëgjojnë', tha Shabani.
Nga ana tjetër, Shabani shtoi se për zgjedhjet e vitit 2025 po përgatitet një koalicion i gjerë me figura të reja në politikë, ku nuk përjashtohet edhe bashkimi me Adriatik Lapajn dhe Arlind Qorin.
'Sot debati politik, zgjedhja që votuesi do ketë në 2025 është do i mbajmë gjërat siç janë apo do ndryshojmë? Nëse zgjedhja është ndryshimi, do përpiqem të bind sa më shumë njerëz që ta shohin kështu. Na lind detyrimi të bëjmë alternativën e re politike dhe t’i japim qytetarëve shqiptarë një zgjedhje, mes atyre që kanë 34 vjet që i shohin apo të votojnë disa të rinj që nuk vijnë me kusure. Koalicion me forca të reja, me të rinj mund të bëhemi të gjithë bashkë. Të gjithë kush janë të rinj. Jo fraksione të partive të vjetra', shtoi ai.
Lajme të tjera
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
'Parashqevia ka nevojë për mbështetje shpirtërore', Gëzim Tushi: Çdo njeri i famshëm në Shqipëri anatemohet! U shfaqën moralistët më këshilla, llafazanëri sociale
20 Dhjetor, 20:10 -
5 vite SPAK/ Romeo Kara në Report Tv: Berisha sfida kryesore! Jo heqje non gratash, por shpallje të reja! Shabani: Saliu e Meta të akuzuar se kanë porositur vrasje
20 Dhjetor, 19:19 -
Mbledhja e Kuvendeve Kosovë-Shqipëri, Kreshnik Çollaku: Ngjarje pozitive! Rama provokoi, bëri fushatë kundër Kurtit
20 Dhjetor, 17:44 -
Arlind Isa në 'Studio Live': Artan Grubi mund të jetë në Kosovë! Ilir Aliaj: Listat e non-gratave do shtohen! Këmbana për ata që duan të dëgjojnë në Shqipëri
19 Dhjetor, 19:07 -
Noka shtyu Shehajn në Kuvend/ Haklaj: Sherri, me urdhër të Ballukut! Islami: Këta zihen si qentë për kocka! Mërtiri: Ndodhi për koncesionarin, mik me Berishën
19 Dhjetor, 17:45 -
Studio Live/ Dosja 'Toyota Yaris', Petraj: Hetimet u mbyllën por nuk dihet origjina e parave! Softa: Ka mangësi, por besoj do kemi prova të reja
18 Dhjetor, 19:48 -
'Studio Live'/ Qefalia: Shqipëria me hapat e duhur për në BE! Po mendohet shërbimi i detyrueshëm ushtarak! Sidi Hasanaj: Non-gratat përfaqësojnë interesat pro-ruse
18 Dhjetor, 18:16 -
SHBA mesazh të prerë për Berishën/ Basha në 'Studio Live' tregon 2 grupet që i shkojnë pas kryetarit PD! Përpiqet të mashtrojë militantët, ndërkohë ka aleancë me Ramën
17 Dhjetor, 18:37 -
'Non-grata e Berishës e pakthyeshme', Ngjela: Shpresa te Trump, e kotë! Kërkon të mbaj përkrahësit e tij! Kur erdhi në '92 shkatërroi vendin me urdhër të Beogradit
17 Dhjetor, 17:31 -
Rishfaqja e Parashqevi Simakut, këngëtarja Qirjako për Report Tv: Shteti të ndërhyjë! Gjata në lot: Turp po e shfrytëzojnë! Duhen pensione dinjitoze për artistët
16 Dhjetor, 20:07
