Parlamenti Europian raport për Serbinë, zbulohet qëndrimi për kufirin me Kosovën

Parlamenti Evropian sot pritet të fillojë krijimin e një raporti për Serbinë, që pritet të përfshijë edhe një amendament të kompromisit në lidhje me korrigjimin e kufijve mes Serbisë dhe Kosovës, raporton “Tanjug”.

“Çfarëdo marrëveshje mund të jetë e pranueshme përderisa ekziston pajtimi i të dyja palëve dhe parasheh stabilitetin e rajonit dhe të drejtën ndërkombëtare”, thuhet në tekst.

Në total, 239 amendamente që janë përfshirë në raportin e këtij viti rreth Serbisë, të krijuar nga raportuesi i Parlamentit Evropian, David McAllister, janë ndarë në 27 amendamente të kompromisit, që mund të hyjnë në tekstin përfundimtar.

LEXO EDHE:
VIDEO: Eurodeputeti nxjerr nga çanta pëllumbin dhe e lëshon në sallën e Parlamentit Europian

Rëndësi të veçantë ka amendamenti i kompromisit me numrin rendor 25, që ka të bëjë me debatin rreth korrigjimit të mundshëm të kufijve mes Serbisë dhe Kosovës, duke përfshirë edhe temën e shkëmbimit të territoreve.

Në fillim të tekstit i cili mund të hyjë si version final i raportimit të Parlamentit Evropian për Serbinë, por edhe për Kosovën përmendet “e kaluara multietnike e Kosovës dhe Serbisë” si dhe fakti se “shtetet homogjene etnike nuk duhet të jenë cak”.

Po ashtu, përfaqësuesit evropian nëpërmjet tekstit të raportimit rreth Serbisë përmendin shembujt e të gjitha marrëveshjeve të arritura deri më tani mes Beogradit dhe Prishtinës ku në veçanti insistohet në formimin e bashkësive të komunave me shumicë serbe. Lajmi.net.

TAG:
• Parlamenti Evropian
• rishikimi i kufirit

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  23.1%

• Keq

  63.4%

• Nuk e di

  13.6%

Vota total: 642

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di