Trendi i ri/ Trajnerët shqiptarë “pushtojnë” futbollin në Kosovë

Sulejman Starova është i fundit nga trajnerët shqiptarë që i është bashkuar Superligës së Kosovës. Ish-trajneri i Partizanit i shkarkuar pak ditë më parë nga klubi i kuq ka firmosur me skuadrën e Ferronikelit. Gjatë prezantimit Naser Ramaj presidenti i skuadrës ka deklaruar se Starova do të fillojë punë menjëherë pasi gara për titullin është bërë e fortë dhe Ferronikeli do të arrijë objektivin për titullin kampion. Ferronikeli mban vendin e 4-të në renditje në Superligën e Kosovës 6 pikë larg vendit të parë.

Por Starova nuk është i vetmi që do të punojë në Kosovë. Prej muajsh disa nga trajnerët më të mirë shqiptar kanë emigruar dhe punojnë në shtetin fqinj ku futbolli ka filluar të njohë rritje. Mirel Josa drejton Prishtinën, Gugash Magani Trepça 89, Bledi Shkëmbi Lirinë e Prizrenit ndërsa në kategorinë inferior drejton Bledar Devolli që është në krye të pankinës së KEK.

Dhe duke parë klasifikimin aktual duket se edhe titulli në Kosovë do të jetë një çështje mes trajnerëve shqiptar të cilët kanë mësyrë në futbollin kosovar. Edhe shumë futbollistë të Superligës shqiptare i janë bashkuar asaj të Kosovës dhe po shkëlqejnë.
 

LEXO EDHE:
7 orë diskutime të tensionuara Kosovë-Serbi në Bruksel! Lajçak paraqet propozim kompromisi për çështjen e dinarit! Bislimi: Përafron palët

TAG:
• kosove
• futboll
• sulejman starova

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  24.6%

• Keq

  61.6%

• Nuk e di

  13.9%

Vota total: 1241

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di