U premtuan pakistanezëve kalimin në Mal të Zi, por i grabitën me armë, kapet njëri nga autorët në Malësi të Madhe

MALËSI E MADHE-Policia ka arrestuar njërin nga dy autorët e grabitjes së disa pakistanezëve. I arrestuari është Albion Shabaj 28 vjeç, banues në fshatin Aliaj, Malësi e Madhe. Sipas policisë, Albion Shabaj në bashkëpunim me një person tjetër, me një automjet në përdorim të tij, duke transportuar 6 pakistanezë me qëllim kalimin e paligjshëm të kufirit drejt Malit të Zi kundrejt fitimit në lagjen Pepaj, fshati Hot nën kërcënimin e armës u kanë marrë 780 Euro, 2 aparate celularë, dhe 6 çanta shpine.

E ndërsa Albion Shabaj u arrestua, policia njofton se po punohet për identifikimin dhe kapjen e autorit tjetër të kësaj ngjarje. Në cilësinë e provës materiale është sekuestruar automjeti me të cilin Shabaj po transportonte refugjatët, si dhe po punohet për gjetjen e automjetit tjetër. Materialet i kaluan Prokurorisë pranë Gjykatës së Shkallës së Parë Shkodër për veprat penale të “Vjedhje me dhunë” dhe “Ndihma për kalim të paligjshëm të kufijve”, parashikuar nga nenet 139-25 dhe 298–25 të Kodit Penal.

LEXO EDHE:
Sera me kanabis në Berat e 95 gra punëtore hashashi! SPAK identifikon grupin kriminal dhe rolin e secilit! Organizatori nga Malësia e Madhe, 6 në pranga, 3 në kërkim (Emrat)

TAG:
• malesi e madhe
• refugjate
• Albion Shabaj

Sondazhi i ditës:

A ka politika frikë nga SPAK-u?

• Po

  68.8%

• Jo

  26.2%

• Nuk e di

  5%

Vota total: 4217

• Sondazhi i ditës:

  A ka politika frikë nga SPAK-u?

  Po Jo Nuk e di