POP 5

Lajmet më të lexuara të 5 minutave të fundit

Kronikë

Vrasja në Bllok, arrestohet në operacion sekret Fabjol Alushi, miku i komandos që vrau truprojën e Martinajt

Arrestohet Fabjol Alushi, miku i Ervin Matës dhe komandos që vrau Fabjan Gaxhën më 4 tetor në ish-Bllok, në sherrin me Ervis Martinajn. Alushi ishte me Ervin Matën dhe Mervjol Bilon mbrëmjen e vrasjes. Ai akuzohet për vrasje, vrasje e mbetur në tentativë dhe armëmbajtje pa leje.

TIRANË-Pas më shumë se dy muajsh në arrati është arrestuar nga policia Fabjol Alushi. 42-vjeçari banues në Tiranë, mik me Ervin Matën, që është i dashuri i Elvana Gjatës dhe Merviol Bilon, komandoja që vrau truprojën e Ervis Martinajt  është prangosur mbrëmjen e djeshme në një operacion sekret nga policia, ndërsa akuzohet për vrasje, vrasje e mbetur në tentativë dhe armëmbajtje pa leje. Sipas videos që Report Tv ka transmetuar ekskluzivisht (shiko këtu) Alushi është i fundit që del nga grupi i Ervin Matës dhe nuk dallohet që të ketë armë në dorë.

Fabjol Alushi ishte në grupin e Matës dhe Bilos në momentin që ndodhi përplasja me Ervis Martinajn në Bllok. Nga ngjarja në datë 4 tetor në Bllok u vra, Fabjan Gaxha dhe u plagosën Ervis Martinaj e Eljo Hato (lexo këtu). Ndërkohë që në kërkim vijojnë të jenë Ervin Mata, që dyshohet se është arratisur jashtë vendit, Merviol Bilo, i cili sipas burimeve të Report Tv i ka shpëtuar një operacioni policor pak ditë më parë, biznesmeni Eldi Dizdari edhe ish-polici Santiago i cili mbrëmjen e 4 tetorit hyn dhe del lirisht nga lokali "Monopol" dhe në kokë mban kapele.

Në datë 25 nëntor u dorëzua Ajaks Boshnjaku, miku i Ervin Matës, ndërkohë që në datë 27 nëntor u lirua nga burgu pas arrestimit Geldo Hoti, që ishte pjesë e grupit të Matës. Pronari i lokalit në Bllok, Redi Popescu u la nga gjykata në masën ‘arrest shtëpie’ në datë 23 tetor pas arrestimit. Ai dyshohet se fshehu pistoletën e Ervis Martinajt.

Ndërkohë që Ervis Martinaj ndodhet në arrest me burg pa afat, pasi përpos akuzave për ngjarjen në Bllok akuzohet edhe për pastrim parash (lexo këtu). Nga zbërthimi i mesazheve telefonike të Martinajt nga ekspertët izraelitë, rezulton se ai ka qenë i përfshirë drejtpërdrejt në këtë ngjarje (lexo këtu). Shkak i përplasjes me armë zjarri në Bllok fillimisht u dyshua se ishte sherri për një ngacmim ndaj këngëtares Elvana Gjata, e cila është e fejuara e Ervin Matës, por rezulton se arsyeja kryesore ka qenë prishja e pazareve të drogës. 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Presidenti Begaj vizitë në Urdhrin Sovran të Maltës, takohet me Fra' John Dunlap

Presidenti Begaj vizitë në Urdhrin Sovran të Maltës, takohet me Fra' John Dunlap

19 Prill, 15:03