Sociale

Moti i keq ka përfshirë vendin ditën e sotme. Kjo e hënë ka sjellë reshje të dendura shiu në të gjithë vendin, ndërsa po ashtu priten reshje dëbore në zonat verilindore dhe juglindore.

Pandemia e koronavirusit ka rritur varfërinë e fëmijëve dhe ulur cilësinë e arsimit, ndërkohë që një shqetësim i rritur mbeten rastet e dhunës.

Produktet e konsumit kanë pësuar rritje të ndershme në berat në prag të festave të fundvitit. Banorët shprehën se e kanë të pamundur të përballojnë çmimet e larta dhe nuk blejnë dot as ushqimet më të domosdoshme për festë. Edhe tregtarët pohojnë se fuqia blerëse ka rënë ndjeshëm krahasuar më 1 vit më parë.

Kryetari i Bashkisë së Tiranës, Erion Veliaj vizitoi tregun e gjelave në Baldushk, një zonë e njohur për rritjen e tyre. Ai u bëri thirrje qytetarëve të Tiranës, që gjelin e detit, i cili shndërrohet në një nga pjatat kryesore në darkën e ndërrimit të viteve, ta marrin në Baldushk, edhe si një mënyrë për të kontribuar në ekonominë lokale.

Deri në mesditë moti do paraqitet me vranësira të dendura dhe reshje shiu e dëbore në veri dhe jug, por intervale me kthjellime do ketë në qendër.

Dy qytetarë humbën "betejën" me COVID-19 në 24 orët e fudnit në vendin tonë, ndërsa janë regjistruar 321 raste të reja infektimesh.

Në kudër të Krishtlindjes, kryebashkiaku Erion Veliaj ishte sot në Qendrën e re Komunitare Kombinat, ku shpërndau dhurata për fëmijët e familjeve në vështirësi ekonomike. Veliaj apeloi për më shumë solidaritet në këto ditë festash. 

Është bërë traditë tashmë, që në çdo vit Kadastra Shqiptare jep me rastin e festave fetare dokumentet e pronësisë për objektet e kultit.

Nata e ndërrimit të viteve do të këtë një favor me tepër për qytetarët të cilët kanë plane për të festuar Vitin e Ri jashtë ambienteve të shtëpisë. Përveç faktit që nuk do të ketë orë policore edhe përse në kushte pandemie, meteorologia Adiola Bani tha për Report Tv se qytetarët mund të udhëtojnë pasi kushtet atmosferike do të jenë të favorshme.  

64 familje të një pallati në lagjen 'Bashkimi' në Vlorë janë ngritur në protestë kundër vendosjes së antenave telefonike. Banorët kanë protestuar duke kërkuar që punimet e nisura të ndërpriten ndërsa do të veprojnë vetë.

At Gregor Pelushi ka uruar Krishtlindjet për të gjithë besimtarët e krishterë ndërsa bëri thirrje për më shumë paqe e dashuri në këtë ditë të shënuar. Në një intervistë për Report TV, at Gregor Pelushi tha se kjo është një ditë e madhe që përçon vetëm mirësi.

Festa e Krishtlindjeve  është një nga kremtimet më të rëndësishme në kalendarin festave të krishtera. Ajo kremtohet dhe festohet çdo datë 25 dhjetor dhe në të kujtohet lindja e shpëtimtarit Jezu Krisht. Pas Pashkëve është festa më e rëndësishme për të krishterët.